Zərdab rayonu Ucar dəmiryolu stansiyasından 35 km, Bakıdan 285 km aralıdadır. Rayonun səthi düzənlikdir, ərazinin çox hissəsi okean səviyyəsindən alçaqdadır. Sərhədindən Kür çayı axır. Rayondan axan Qarasu çökəkliyi Kürün qədim dərəsidir. Qış və yay otlaqları bütün il boyu heyvandarlığın inkişafına şərait yaradır. Sututarları balıq yetişdirilməsi üçün əlverişlidir. Ərazidə neft - qaz yataqları aşkar edilmişdir. Ərazisi: Bir tərəfdən Aran iqtisadi rayona daxil olan Kürdəmir, Ağdaş, Ucar, digər tərəfdən isə təbii sərhəd olan Kür çayı nəzərə alınmazsa, İmişli, Bərdə, Ağcabədi rayonu ilə sərhədlənərək, ( Zərdab və Ağcabədini Kür üzərində körpü birləşdirir). 806 kv.m əraziyə malikdir. Rayonun ərazisi respublika ərazisinin təxminən 1%-ni, yerləşdiyi iqtisadi rayonun ərazisinin isə təxminən 4%- ni təşkil edir. Əhalisi: 2008- ci ilin əvvəlinə rayon əhalisinin sayı təxminən 51.8 min nəfər olmuşdur ki, bu da respublika əhalisinin təxminən 0.6 faizini təşkil edir. Əhalinin ümumi sayının təxminən 17%- i şəhər və təxminən 73%- i kənd sakinidir. Əhali Zərdab şəhərində, bir qəsəbədə və 39- kənddə məskunlaşıb.
Ünvan: Zərdab şəhəri H.Zərdabi küçəsi Tel.: 0135-6-53-80
